محمد رمضان اتكلم عن فيلمه الجديد “أسد”، اللي هيبدأ عرضه في السينمات يوم 14 مايو ، على أن ينطلق في باقي دول الوطن العربي يوم 21 مايو ، وقال إنه غاب عن الدراما والسينما 3 سنين كاملة علشان يركز في الفيلم ويطلع بالشكل اللي كان نفسه فيه.
وخلال المؤتمر الصحفي الخاص بالفيلم، أكد رمضان إن “أسد” مختلف عن أي حاجة قدمها قبل كده، ووصفه بأنه مشروع متكامل، كمان أشار إنه ضحّى بحاجات كتير علشان الفيلم، وقال: “أغلى ممثل يقعد 3 سنين من غير شغل علشان مشروع مؤمن بيه”.
الفيلم من إخراج محمد دياب، وبطولة محمد رمضان، ومعاه رزان جمال، أحمد داش، علي قاسم، وإسلام مبارك، وبيشارك ماجد الكدواني كضيف شرف.
وتدور أحداث “أسد” في إطار تاريخي عن قصة حب بتتحول لصراع كبير بين طبقتين اجتماعيتين، واللي بعدها بتشتعل ثورة ضخمة
