بتستعد الفنانة ليلى علوي لطرح فيلمها الجديد “ابن مين فيهم؟” في دور العرض يوم 9 يوليو الجاي، واللي بتشارك في بطولته مع بيومي فؤاد، في عمل كوميدي اجتماعي جديد بيضم كمان أحمد عصام السيد وانتصار وهالة فاخر، بالإضافة لعدد من ضيوف الشرف.
أحداث الفيلم بتدور حول رجل أعمال مستهتر بيجسد شخصيته بيومي فؤاد، بيتفاجئ بعد وفاة عمته إنها سايبة له ميراث كبير، لكن علشان ياخده لازم ينفذ شرط غريب، وهو إنه يلاقي ابنه من واحدة من زيجاته القديمة، لتبدأ رحلة مليانة مفاجآت ومواقف كوميدية.
وخلال رحلة البحث، بتظهر ليلى علوي في دور محامية مسؤولة عن تنفيذ شروط الميراث، وبتنشأ بينها وبين بيومي فؤاد مواقف وصدامات طريفة، في إطار كوميدي قائم على المفارقات وخفة الظل.
